ලක්වින් ඒවියේෂන් (පුද්ගලික) සමාගම දේශීය ගුවන් ප්‍රවාහන සමාගමක් ලෙස මගී සහ භාණ්ඩ ප්‍රවාහන කටයුතු ක්‍රියාත්මක කිරීම සඳහා අවශ්‍ය සුදුසුකම් සපුරා ඇති හෙයින් එයට අදාල මෙහෙයුම් බලපත්‍රය (Air Operator Certificate – AOC) නිකුත්කිරීමට ශ්‍රී ලංකා සිවිල් ගුවන්සේවා අධිකාරිය කටයුතු කර ඇත.
මෙම බලපත්‍රය නිකුත් කිරීමේ දී ප්‍රධාන වශයෙන් ගුවන් සුරක්ෂිතතාවය සහ ආරක්ෂාව පිළිබඳව ඉහළ අවදානයක් යොමුකරන අතර එහිදී එම සමාගම සතු ගුවන්යානා, සංවිධානාත්මක ව්‍යූහය, සුදුසුකම්ලත් අත්දැකීම් සහිත මෙන්ම නිසි පුහුණුව ලත් කාර්යමණ්ඩලය, නඩත්තු කටයුතු සඳහා අවශ්‍ය උපාංග සහ වෙනත් සේවාවන් සැපයීමේ හැකියාව වැනි කරුණු පිළිබඳව දීර්ඝ වශයෙන් තක්සේරුවකට ලක්කරන්නට ශ්‍රී ලංකා සිවිල් ගුවන්සේවා අධිකාරියේ ගුවන්සේවා පරික්ෂකවරුන් කටයුතු කර ඇත.
කොවිඩ් තත්වය හමුවේ යම් පසුබෑමකට ලක්වූ ගුවන් ප්‍රවාහන කර්මාන්තය, යලි සක්‍රීය වීමත් සමග මෙරටට පැමිනෙන විදේශිය සංචාරකයන් මෙන්ම අභ්‍යන්තර ගුවන් ගමන් වල නිරතවීමට අපේක්ෂා කරන ශ්‍රීලාංකිකයන් ඉලක්ක කරගනිමින් දේශිය ගුවන්තොටුපොල වෙත ගුවන් ගමන් වාර ක්‍රියාත්මක කිරීමට ලක්වින් ඒවියේෂන් (පුද්ගලික) සමාගම අපේක්ෂා කරයි.
සිවිල් ගුවන්සේවා අධ්‍යක්ෂ ජනරාල් සහ ප්‍රධාන විධායක නිලධාරි පී. ඒ. ජයකාන්ත මහතාගේ උපදෙස් මත, මෙම සහතික කිරීමේ කටයුතු නියෝජ්‍ය අධ්‍යක්ෂ ජනරාල් (ගුවන් සුරක්ෂිතතා රෙගුලාසි) සමන් ගුණවර්ධන මහතාගේ අධීක්ෂණය මත, අධ්‍යක්ෂ (ගුවන් මෙහෙයුම්) කපිතාන් ලුෂාන් ප්‍රනාන්දු මහතාගේ මූලිකත්වය යටතේ සිදු විය.
දේශිය වානිජ ගුවන් සමාගමක් ලෙස ලක්වින් ඒවියේෂන් (පුද්ගලික) සමාගමට කටයුතු කිරීම සඳහා නිකුත් කරනු ලබන AOC බලපත්‍රය පසුගිය දා සිවිල් ගුවන්සේවා අධ්‍යක්ෂ ජනරාල් සහ ප්‍රධාන විධායක නිලධාරි පී. ඒ. ජයකාන්ත මහතා විසින් ප්‍රදානය කරන ලද අතර එම බලපත්‍රය ලක්වින් ගුවන් සමාගමෙහි සභාපති ලක්ෂිත වීරසිංහ මහතා වෙනුවෙන්, ඒහි ප්‍රධාන විධායක නිලධාරී විසින් ලබා ගන්නා ලදි. එම අවස්ථාවට ශ්‍රී ලංකා සිවිල් ගුවන්සේවා අධිකාරියේ ජේෂ්ඨ ගුවන්සේවා පරික්ෂකවරුන් වන එරංග දසනායක, ඉසුරු සරත්චන්ද්‍ර, දමින්ද රඹුක්වැල්ල යන මහත්වරුන් සහ ලක්වින් ඒවියේෂන් (පුද්ගලික) සමාගමෙහි අධ්‍යක්ෂ (ගුවන් මෙහෙයුම්) කපිතාන් හිරන්ත පෙරේරා ඇතුළු ජ්‍යෙෂ්ඨ නිලධාරීන් පිරිසක් ද එක්විය.
මෙහිදී නව AOC බලපත්‍රලාභී ගුවන් සමාගමේ ඉදිරි මෙහෙයුම් කටයුතු වෙනුවෙන් සුභපැතුම් එක්කල සිවිල් ගුවන්සේවා අධ්‍යක්ෂ ජනරාල් සහ ප්‍රධාන විධායක නිලධාරි පී. ඒ. ජයකාන්ත මහතා, ගුවන් සුරක්ෂිතතාවය සහ ආරක්ෂාව ප්‍රමුඛ කරගනිමින් ගුවන් මෙහෙයුම් සිදුකරමින්, AOC බලපත්‍රය නිකුත් කිරීමේ දී පනවා ඇති රෙගුලාසීන් තුල රැඳීසිටිමින් කටයුතු කිරීමේ වැදගත් කම පෙන්වා දෙන ලදි.
- විස්තර
වරාය, නාවික සහ ගුවන්සේවා අමාත්‍ය නිමල් සිරිපාල ද සිල්වා පසුගිය දා (19) ශ්‍රී ලංකා සිවිල් ගුවන්සේවා අධිකාරියේ නිරික්ෂණ චාරිකාවකට එක්විය.
මෙහිදී අධිකාරියේ අධ්‍යක්ෂ මණ්ඩලය හා ජ්‍යෙෂ්ඨ නිලධාරීන් සමගින් ගුවන්සේවා කර්මාන්තයේ උන්නතිය වෙනුවෙන් රජයේ ඉදිරි වැඩපිළිවෙල සහ ජාතික ආර්ථිකය සවිමත් කිරීම උදෙසා ගුවන්සේවා කර්මාන්තය උපයෝගී කරගත හැකි ආකාරය පිළිබඳව දීර්ඝ වශයෙන් සාකච්ඡාවක නිරත විය. ශ්‍රී ලංකාවේ ගුවන්සේවා නියාමන ආයතනය ලෙස මෙම කටයුත්තේ දී ශ්‍රී ලංකා සිවිල් ගුවන්සේවා අධිකාරිය, ගුවන්සේවා කර්මාන්තයට හා සම්බන්ධ සෙසු ආයතන සමගින් එක්ව කඩිනම් වැඩපිළිවෙලක් ක්‍රියාත්මක කරන ලෙස ද අමාත්‍යවරයා මෙහිදී උපදෙස් ලබාදෙන ලදි.
උද්ගතව ඇති ආර්ථික තත්වය හමුවේ යම් පසුබෑමකට ලක්ව ඇති සංචාරක කර්මාන්තය යලි නගා සිටුවීම වෙනුවෙන් ගුවන්සේවා කර්මාන්තයට ඉටුකල හැකි කාර්යභාරය පිළිබඳව මෙහිදී ඉහළ අවධානයක් යොමුවූ අතර ගුවන්යානා ඉන්දන ක්‍රමවත්ව නිකුත් කිරීම ආරම්භ කිරීමෙන් පසු මෙරටට මගී ප්‍රවාහන ගුවන් ගමන් වාර ක්‍රියාත්මක කරන විදේශිය ගුවන් සමාගම් යලි සුපුරුදු රිද්මයට ගුවන් ප්‍රවාහන සේවා ක්‍රියාත්මක කරනු ඇති බව මෙහිදී සිවිල් ගුවන්සේවා අධ්‍යක්ෂ ජනරාල් සහ ප්‍රධාන විධායක නිලධාරි පී. ඒ. ජයකාන්ත මහතා පෙන්වා දුන්නේ ය.
එමෙන්ම ගුවන්සේවා පුහුණු කටයුතු සඳහා මෙරටට පැමිනෙන විදේශීය සිසුනට අවශ්‍ය පහසුකම් සහ සහතික කිරීම කඩිනම් කිරීමේ අවශ්‍යතාවය අමාත්‍යවරයා පෙන්වා දුන්නේ ය.
ශ්‍රී ලංකා ගුවන් අවකාශය භාවිතා කරන විදේශීය ගුවන් සමාගම් වලට අයත් ගුවන් යානා සඳහා ගුවන් සංතරණ සේවා සැපයීම වෙනුවෙන් අයකරනු ලබන සේවා ගාස්තු ඉහළ දැමීම සඳහා අවශ්‍ය යෝජනාවන් කඩිනමින් රේඛීය අමාත්‍යාංශය හරහා කැබිනට් මණ්ඩලයේ අනුමැතිය සඳහා ඉදිරිපත් කරන ලෙසට ද උපදෙස් ලබාදෙන ලදි.
වරාය, නාවික සහ ගුවන්සේවා අමාත්‍යාංශයේ අතිරේක ලේකම් සුනිල් ගුණවර්ධන, ශ්‍රී ලංකා සිවිල් ගුවන්සේවා අධිකාරියේ සභාපති උපුල් ධර්මදාස, උප සභාපති ජී. එස්. විතානගේ යන මහත්වරුන් ඇතුළු ජ්‍යෙෂ්ඨ නිලධාරීන් පිරිසක් ද මෙම අවස්ථාවට එක්විය.
එහිදී කැබිනට් මණ්ඩලය විසින් අභිනවයෙන් පත් කරන ලද නව අධ්‍යක්ෂ ජනරාල් පී. ඒ. ජයකාන්ත මහතා වෙත පත්වීම් ලිපිය ප්‍රදානය කිරීම ද සිදුවිය.
ඡායාරූපය -
නව සිවිල් ගුවන්සේවා අධ්‍යක්ෂ ජනරාල් සහ ප්‍රධාන විධායක නිලධාරී පී. ඒ. ජයකාන්ත මහතා වෙත පත්වීම් ලිපිය අමාත්‍ය නිමල් සිරිපාල ද සිල්වා මැතිතුමා විසින් ප්‍රදානය කල අවස්ථාව, ශ්‍රී ලංකා සිවිල් ගුවන්සේවා අධිකාරියේ සභාපති උපුල් ධර්මදාස, උප සභාපති ජී. එස්. විතානගේ යන මහත්වරුන් ද මෙම අවස්ථාවට එක්විය.
- විස්තර
The Royal Thailand Ambassador in Sri Lanka, recently gifted a consignment of chemical protective clothing (CPC) to the Director General of Civil Aviation Authority for use by the civil aviation community who conduct preventive measures against the chemical hazards, commonly known as the last line of defense for chemical safety.
The Director General and Chief Executive Officer of the Civil Aviation Authority (CAASL), P A Jayakantha receiving the gift noted that “This goodwill gesture brings more closer relationship enjoyed between Thailand and Sri Lanka, besides the formal diplomatic connections and several bilateral agreements and diversified arrangements”. He welcomed and acknowledged the Thailand Ambassador POJ Harpnpol, accompanied by senior officials of Thailand embassy, personally visiting the CAASL Head Office at Katunayake to present the gift of chemical protective clothing (CPC).
The Ambassador, handing over the consignment to the senior management officials at CAASL spoke about the cultural and economic connections between both two countries for more than a century and touched on strengthening decades old bonds on TERAWADHA BUDU DAHAMA. The Ambassador, POJ Harpnpol placed his signature on the eminent visitors Golden Book by invitation of Upul Dharmadasa, the Chairman of the Civil Aviation Authority.
The senior officials of both the Royal Thailand Embassy in Sri Lanka and Civil Aviation Authority of Sri Lanka associated with the Chemical Protective Clothing (CPC) gifting ceremony.
- විස්තර
ශ්‍රී ලංකා සිවිල් ගුවන්සේවා අධිකාරියේ නව අධ්‍යක්ෂ ජනරාල් සහ ප්‍රධාන විධායක නිලධාරී ලෙස, වත්මන් සිවිල් ගුවන්සේවා අතිරේක අධ්‍යක්ෂ ජනරාල් ධූරය හොබවන පී. ඒ. ජයකාන්ත මහතා කැබිනට් මණ්ඩලය විසින් පත්කොට ඇත.
කොළඹ විශ්ව විද්‍යාලයේ ආර්ථීක විද්‍යාව පිළිබඳ විශේෂවේදී උපාධිධරයෙකු වන ඒ මහතා ආර්ථික විද්‍යාව පිළිබඳ පශ්චාත් උපාධිය ලබාගෙන ඇත්තේ කැලණිය විශ්ව විද්‍යාලයෙනි.
ශ්‍රී ලංකා ගුවන් හමුදාවේ හා ශ්‍රීලංකන් ගුවන් සේවයේ වසර ගනනාවක් සේවය කරමින් ගුවන්සේවා ක්ෂේත්‍රය පිළිබඳ අත්දැකීම් ලබා ඇති නව අධ්‍යක්ෂ ජනරාල්වරයා, 2004 වසරේ දී ජ්‍යෙෂ්ඨ සිවිල් ගුවන්සේවා පරික්ෂකවරයෙකු ලෙස ශ්‍රී ලංකා සිවිල් ගුවන්සේවා අධිකාරියට එක්වූ අතර ගුවන්සේවා ආරක්ෂක අංශයේ අධ්‍යක්ෂවරයා ලෙස ද අනතුරුව නියෝජ්‍ය අධ්‍යක්ෂ ජනරාල් (ගුවන්සේවා ආරක්ෂක රෙගුලාසි) තනතුර දක්වා ද උසස්වීම් ලැබ වත්මන් තනතුරට පත්වන තෙක් සිවිල් ගුවන්සේවා අතිරේක අධ්‍යක්ෂ ජනරාල් ලෙස කටයුතු කරමින් සිටියේ ය.
ජාත්‍යන්තර සිවිල් ගුවන්සේවා සංවිධානය මගින් තෝරා පත්කරනු ලබන සිවිල් ගුවන්සේවා ආරක්ෂාව පිළිබඳව විද්වත් විගණන පරික්ෂක මණ්ඩලයේ සාමාජිකයෙකු ලෙස ද 2010 වසරේ සිට කටයුතු කරන ඒ මහතා මෙම විද්වත් විගණන පරික්ෂක මණ්ඩලයට පත්වූ ප්‍රථම සහ එකම ශ්‍රීලාංකිකයා ද වෙයි.
ජාත්‍යන්තර සිවිල් ගුවන්සේවා සංවිධානය මගින් සාමාජික රටවල සිවිල් ගුවන්සේවා ආරක්ෂාව සම්බන්ධයෙන් පැවැත්වූ විගණන ගනනාවකට සම්බන්ධ වී ඇති මෙතුමා ඒ තුලින් ලබාගත් අත්දැකීම් හා සිය දැනුම ශ්‍රී ලංකා සිවිල් ගුවන්සේවා ක්ෂේත්‍රයේ අනාගත අභිවෘද්ධි වෙනුවෙන් අඛණ්ඩව ලබාදෙමින් සිටී. මේ හේතුවෙන් ශ්‍රී ලංකාවේ සිවිල් ගුවන්සේවා ආරක්ෂක විගණනයන් හි තත්වය මෙන්ම ගුවන් නිරුපද්‍රිතතාවය ද ජාත්‍යන්තරය හමුවේ ඉහළ දැමීමට හැකියාව ලැබී ඇත.
මෙයට අමතරව කොවිඩ් 19 රෝග වසංගතය හමුවේ ගුවන්තොටුපොළ ආරක්ෂක මෙහෙයුම් කටයුතු වෙනුවෙන් අවශ්‍ය නව තාක්ෂණික ක්‍රමවේදයන් හඳුන්වාදෙමින් ඒ සඳහා අවශ්‍ය තාක්ෂණීක උපාංග සහ මෙවලම් යෙදවීමටත්, ගුවන්යානා පැහැරගැනීම් අවස්ථාවලදි ප්‍රාණඇපකරුවන් මුදාගැනීම සඳහා වූ පුහුණු නිළධාරීන් කණ්ඩායමක් ආරක්ෂක අමාත්‍යාංශය සමග එක්ව සහතික කිරීමට ද පුරෝගාමීව කටයුතු කර ඇති අතර සිවිල් ගුවන්සේවා ආරක්ෂාව පිළිබඳව ජාතික වැඩපිළිවෙලක් සකස් කිරීමට ද එතුමන් පුරෝගාමී මෙහෙවරක නිරතව ඇත.
- විස්තර
Page 1 of 8
